Wednesday 20th June, 2018
28.6
26 ℃ | 31 ℃Manila
cebuano-news-magti-ayong-npa-sa-bukidnon-misurender
IMPASUGONG, Bukidnon, Hunyo 8 - Bukas nga giabi-abi sa kasundalohan sa 8th Infantry Battalion (8IB) Philippine Army ang duha ka miyembro sa'Communist Party of the Philippines (CPP)-New People's Army (NPA) nga misurender sayo ning bulan sa Hunyo.

Ang mag-tiayon, giila nga sila si Elsie Camahay Ampildon, alyas Angie/Jamaica, usa ka regular nga miyembro sa'NPA Headquarters Force' sa 'North Central Mindanao Regional Committee' kon NCMRC,ug ang iyang bana nga si Tanny Saritao Ampildon alyas Verdel sa 'Militia ng Bayan sa NPA.'

Sila misurender sa 8th Infantry (Dependable) Battalion, Dominggo sa hapon, Hunyo 3, sa kampo sa Army sa Impasugong, Bukidnon.

Agi'g lakang sa maayong kabubut-on nga pagtahan, gi-surender sab sa magti-ayon ang ilang 'US Cal.30 M1 Carbine' nga armas ngadto sa mga opisyal sa militar atol sa gipahigayon nga seremonyas.

"Gikalipay nako ang pagsurender sa atong igsoong magti-ayon nga kanhi mga miyembro sa CPP-NPA. Uban sa lokal nga pangagamhanan, ato silang matabangan pinaagi sa programa sa gobyerno nga gitawag ug 'Comprehensive Local Integration Program' konCLIP,ug atonggipaneguro ang ilang kaluwasan ug kaayohan," miingon si Lieutenant Colonel Ronald M. Illana, 8IB commanding officer.

Gi-awhag usab niya ang mga NPA-labi na kadtong nasamdan sa mga serye sa mga engkwentro-nga unta mo-surender na pud sila kay kon dili, duha lamang ang ilang padulngan, kini mao ang 'pagdawat sa kalinaw' o ang 'pag-atubang sa kamatayon'.

Kahinumduman nga sa managlahing engkwentro niadtong mi-aging bulan tali sa mga sundalo ug NPA duol sa Sitio Ulayanon, Brgy. Kalabugao, Impasugong, Bukidnon, ang NCMRC command sa NPA nakaagom sa kapildihan busa nasakmit sa mga sundalo ang lima ka 'high-powered' nga mga armas, 30 ka mga 'backpacks' nga puno sa mga rasyon, pagkaon, ug daghan nga mga subersibong mga dokumento.

Dugang sa opisyal nga niadtong Abril ning tuig, giluwas usab sa tropa sa 8IB si Susan Cabusao Guaynon, ang tulo ka bulan nga mabdos nga gibiyaan sa iyang mga kaubang NPA dihang nasamdan kini atol sa engkwentro.

"Nanawagan ko sa mga terorista sa CPP-NPA nga karon anaa nagpabilin pa gihapon sa dautang kalihokan, nga unta mohunong na kamo sa pagdagan-dagan ug pagtago-tago. Pagsurender na kamo karon samtang duna pay panahon. Peligro karon ang inyong kinabuhi kung magpabilin pa kamo sa sayop nga idolohiya ug walay pulos nga armadong pakigbisog. Duha lamang ang inyong pili-an, kini mao ang 'kalinaw' o ang pagkamatay tungod sa samad ug kagutom. Kini, tungod kay ang kasundalohan sa kagamhanan dili mohunong sa among 'focused military operations', miingon si Ltc Illana. (1Lt Erwin P. Bugarin, CMO Officer, 8th Infantry Battalion, 4ID, PA)

More Manila News

Access More
Loading data...
{{item.TITLE}}

{{item.SOURCE}}

Manila News.Net

{{item.TITLE}}

{{item.SOURCE}}

Manila News.Net

Sign up for Manila News

a daily newsletter full of things to discuss over drinks.and the great thing is that it's on the house!