Wed, 19 Dec 2018
27
Manila

MAASIN CITY, Dec. 6 (PIA) - - Duha ka mga kabataan sa Pantawid Pamilyang Pilipino nga programa ang napili na gikan sa probinsiya sa Southern Leyte atol sa Search for Exemplary Pantawid Pamilyang Pilipino Children 2018.

Atol sa gipahigayon nga pag-audition sa mga 15 ka mga kabataan gikan sa nagkadaiyang mga lungsod sa Southern Leyte, napili ang duha ka mga bata nga mahimong modelo sa mga kabataan sa Pantawid Pamilya nga programa tungod sa ilang gipakita nga kahibalo sa programa nga 4Ps og sa gipakita nga ilang mga abilidad.

Ang maong kalihokan pinangunahan sa DSWD Regional Office lakip ang Philippine Information Agency (PIA) sa Southern Leyte.

Ang mga kabataan naglakip nila ni Jamaica Elisa Maturan, 14 anyos gikan sa lungsod sa San Francisco and Francis Ianne Jacobe, 13 anyos sa lungsod sa Libagon ang napili nga Exemplary Pantawid Pamilya Children sa probinsiya sa Southern Leyte.

Si Maturan nagpakita sa iyang talento diha sa pinakamaayong pag-acting, pagsayaw, pagkanta og drama samtang si Jacobe mipakita usab sa iyang kusganon nga confidence kon kusganong personalidad og sa mga talento diha sa pagsayaw, pag-broadcast og news og paghimo og kaugalingon nga tula.

Og dili madugay sila usab ang mobangga ngadto sa ubang mga kabataan sa laing lima ka probinsiya sa Region 8- Eastern Visayas sa dili madugay. (esg/PIA8 SL)

Sign up for Manila News

a daily newsletter full of things to discuss over drinks.and the great thing is that it's on the house!