Mon, 17 Jun 2019

Cebuano News: DepEd mi-klaro: K-12 program, dili ihunong

Philippine Information Agency
24 May 2019, 22:38 GMT+10

TAGBILARAN CITY, May 21 (PIA)--Gi-klaro sa Department of Education (DepEd) nga dili ihunong sa buhatan ang implementasyon sa K to 12 program taliwala sa gipa-ambit-ambitan nga mga panahum online nga ihunong na ang maong curriculum.

Sa usa ka pahayag, gi-klaro sa DepEd nga ang mga panglantaw kalabot sa giingong planong pagpahunong sa K to 12 program tungod lamang sa nikatap nga gi-ambit-ambitan nga mabasa online.

"Sentiments and questions on social media pertaining to the supposed plan to scrap the K to 12 Education Program are clearly based on misinformation and lack of critical discernment," matud pa sa pahayag sa DepEd.

Matud pa sa buhatan, ang mga pekeng balita kun fake news mikatap human ang balita nga gusto sa Commission on Higher Education's (CHED) nga ipaubos sa 'review' ang sistema sa curriculum.

Giingong sayop ang nahimong interpretasyon sa plano aron mapagawas nga ihunong na ang kinatibuk-ang K-12 program.

"The claims circulating online came after news of the Commission on Higher Education's (CHEd) plan to 'review and change' the system for its K to 12 Transition Program was misconstrued to mean the implementation of the entire K to 12 Program. These two are not one and the same," pagtumbok sa DepEd.

Gipasabot pa sa DepEd nga wala usa'y gahom ang buhatan nga ihunong ang curriculum tungod kay pagsunod kini sa Republic Act No. 10533 o "Enhanced Basic Education Act of 2013."

Aron mahunong kini, kinahanglang ipaubos una kini sa gahom sa lehislatura.

Gibarugan usab sa DepEd ang maayong epekto sa gipatumang reporma sa basic education sa nasud taliwala sa mga pagsulay.

Kalabot niini, nipagawas usab og pahayag ang Malakanyang nga walay plano si Presidente Rodrigo Duterte nga ipahunong ang implementasyon sa K to 12 program.

Matud pa ni Presidential Spokesperson Salvador Panelo, walay gimando ang Presidente nga ihunong ang impelentasyon sa K-12.

Ubos sa K-12 program, gidugangan og duha ka tuig ang kaniadtong upat ka tuig nga pagtungha sa mga estudyante sa high school. (ecb/PIA7-Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!