Fri, 23 Aug 2019

Cebuano News: Ting-ulan magsugod na sa sunod duha ka semana

Philippine Information Agency
10 Jun 2019, 22:38 GMT+10

MANILA, May 29 (PIA)--Gipahibalo sa Philippine Atmospheric, Geophysical and Astronomical Services Administration (PAGASA) nga gipaabot na ang pagsulod sa panahon sa ting-ulan sa mosunod nga duha ka semana.

Sa media briefing nga gipahigayon sa Malakanyang, gibutyag ni PAGASA Deputy Administrator Flaviana Hilario nga posibleng magsugod na ang panahon sa ting-ulan sa una o ikaduhang semana sa Hunyo.

Ang ting-ulan partikular nga masinati sa kasadpang bahin sa nasud ug ang dominanteng wind system mao ang Habagat.

Sa dihang gipangutana kun nalangay ba ang pagsulod sa panahon sa ting-ulan tungod sa El Nino, mitubag si Hilario nga naa pa gihapon kini sa normal period.

Matud pa ni Hilario nga kasagarang mosulod ang panahon sa ting-ulan sa tunga'ng bahin sa buwan sa Mayo o sa unang semana sa Hunyo.

Bisan mosulod na ang panahon sa ting-ulan, gibutyag usab sa opisyal sa PAGASA nga taas pa gihapon ang kahigayunan nga masinati ang El Nino hangtod sa Agosto o posible pang hangtod sa katapusan ning tuig. (ecb/PIA7-Bohol)

Sign up for Manila News

a daily newsletter full of things to discuss over drinks.and the great thing is that it's on the house!