Wed, 16 Oct 2019

Waray News: School kids nagkita hin salida para environment awareness

Philippine Information Agency
24 Jun 2019, 18:38 GMT+10

BORONGAN CITY. June 24 (PIA)-Maabot 300 nga estudyante han Eugenio S. Daza Pilot Elem. School in nagkita hin salida para environment month han naglabay nga Huybes ika 20 han Hunyo, yana nga tuig.

Iginpakita han syahan nga salida an kamahinungdanon han Philippine Biodiversity ngan iginpasantop han kabataan nga mas damo nga nabubuhi nga hayup ngan tanom in mas maupay ha environment kon kalibungan.

An magdiru-dilain nga kinabuhi han kanan nasud ecosystems nga nahatag hin pagkaon ngan mga serbisyo in nagsisiguro han aton maupay nga panlawas ngan kinabuhi, amo ini an iginpakita han film showing.

An ika duha naman nga salida an nagpakita han ka importante han kadagatan komo an ika-unom daw nga animal protein in natikang ha mga buhi ha dagat. An buhi ngan maupay nga dagat in na-absorb han carbon dioxide tikang ha atmospera ngan nag-iiban ini han climate change impacts. An kahul-os ngan ka produktibo han kadagatan in nahatag gihapon hin seguridad, napadukwag han ekonomiya ngan nahatag hin mas maupay ngan malipayon nga kinabuhi.

Para han urhi nga salida bahin naman han paghatag importansya han tubig nga bisan pa man kun damo an tubig, dire ngatanan magagamit ngan talwas para han tawo. Salit mahinungdanon nga hibaro an kabataan yana nga tipigan ngan dire kawangon an nasabi nga rekurso komo nagtanan nga aspeto han kinabuhi han tawo ginagamitan hin tubig.

"Pag-edukar gihapon ini han kabataan nga ngatanan nga aanhi ha tubig ngan tuna in interconnected ha ira igkasi living thing ngan ini may labot ha kabug-usan nga global ecosystem," sumat ni Marlon Ortiguesa han buhatan han Community Environment and Natural Resources (CENRO), nga amo an nagpasalida, kasumpay han ika 12th charter day han syudad han Borongan.

Sumala naman kan Teacher Girlie Borja, maupay ngan kadugangan ini nga pag-aradman han kabataan. (sumat ni NBQ ngan May Vicencio/PIA 8-E. Samar)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!