Thu, 21 Nov 2019

Aklanon News: Aklan PPO, AMHOP, ginlunsar ro Move Against Dengue

Philippine Information Agency
15 Jul 2019, 22:38 GMT+10

KALIBO, Aklan, Hulyo 15 (PIA6) -- Ro Aklan Police Provincial Office (APPO), kaibahan ro Provincial Advisory Council for Police Transformation and Development (PAC-PTD), Aklan BAGHAY, Inc. ag ro Association of Municipal Health Officers in the Philippines (AMHOP) Aklan Chapter hay naglunsar ku Hulyo 10 it sangka inisyatibo para sa pag-abang ag pagtapna it dengue sa probinsya nga gintawag nga Move Against Dengue ukon MAD.

Ro paglunsar hay bilang resulta it Resolution No. 2019-05 Series of 2019 nga ginbaeay it PAC-PTD sa sangka ginpatawag nga emergency meeting nga ginpatawag it grupo ku Hulyo 7 ag ginhiwat sa Conference Hall it APPO agud makabulig sa pagplano ag mag-usoy it paagi agud matapna ro nagatinaas nga kaso it dengue sa Aklan.

Sa makaron, ro kaso it dengue sa Aklan, base sa lista it Aklan Provincial Epidemiology Surveillance & Response Unit (APESRU) halin it Enero hasta Hulyo 6, 2019 hay nag-abot eon sa 2,171 kon siin 15 kara ro namatay.

Ro MAD, suno kay Ramel Buncalan, president it Aklan BAGHAY, hay sangka programa sa adbokasiya agud makabulig sa pag away sa dengue sa probinsya paagi sa pagpangayo it kooperasyon ag paghugpong it komunidad it Aklan.

Ro paglunsar it MAD ku Hulyo 10 hay nag-umpisa paagi sa sangka misa sa St. John the Baptist Cathedral sa Kalibo ag ginsundan it motorcade halin sa Poblacion Kalibo paadto sa sition Baybay sa New Buswang, Kalibo kon siin ginhiwat ro sangka mapig-od nga pag lecture ag pagpanglimpyo.

Euwas sa mga opisyales ag personnel it APPO, PAC-PTD ag AMHOP, nagbulig man sa pagpanglimpyo ro mga benefisyaryo it Pantawid Pamilya it Sitio Baybay, Persons Who Used Drugs (PWUDs) halin sa Lezo, Aklan, Lezo Rural Health Unit (RHU), Girl Scouts of the Philippines (GSP), sari-saring mga Municipal Police Stations, 12 IB Philippine Army, ag 12IB Philippine Army Reservists. (JBG/VGV/PIA6 Aklan)

Sign up for Manila News

a daily newsletter full of things to discuss over drinks.and the great thing is that it's on the house!