Sun, 15 Dec 2019

Cebuano News: Cabadbaran PhilHealth Insurance Program gi-aprobahan

Philippine Information Agency
14 Aug 2019, 22:38 GMT+10

BUTUAN CITY, Agosto 14 -- Gi-aprubahan sa Sangguniang Panlalawigan ang Sanggunian Resolution No.132-2019 nga nag-deklara nga balido ang City Ordinance No. 2019-029 sa Sangguniang Panlungsod sa Cabadbaran, ning probinsya nga nag-institutionalize sa City Sponsored Philhealth Insurance Program, ug sa uban pang mga katuyoan niini.

Tumong niini nga ordinansa, nga gipangunahanan ni Sangguniang Panlungsod Member Joan A. Monding, mao ang paghatag prayoridad sa katawhan sa Cabadbaran ug mapalambo pa ang paghatag sa serbisyong sosyal ilabina sa mga kabos aron mahatagan sila og mekanismo nga maka-avail sa tabang pinansyal alang health care services.

Naglangkob sa ordinansa ang pag-enrol sa tanan katawhan sa Cabadbaran nga mga kabus, mga masakiton, mga disadvantaged nga sector nga naglakip sa mga tawo nga may kapansanan o persons with disability (PWD), kababayen-an ug kabataan/mga bata nga biniyaan sa ginikanan, nagbinugtong nga mga ginikanan ug out-of-school youth, og walay trabaho nga mga batan-on edad 21 anyos ug pataas.

Usa sa mekanismo mao nga ang lokal nga panggamhanan sa Cabadbaran mosulod og partnership agreement tali sa mga concerned agencies ug ubang mga stakeholders alang sa balayranan sa contribution para sa mga Sponsored beneficiaries.

Giduso sa Committee on Social Welfare , Population Development and Health and Nutrition, ang pag-aproba sa maong ordinansa subay sa Republic Act 9242 and 10606, nga mao ang Health Insurance Act of 2013, nga nag-ingon "The State shall adopt an integrated and comprehensive approach to health development which shall endeavor to make essential goods, health and other social services available to its people at affordable cost and provide free medical care to indigent."

Gi-aprobahan ang maong ordinansa sa pagpaningkamot ni Provincial Board Member Elizabeth Marie R. Calo. (Prisilina P. Amoroso, LGU Agusan del Norte/PIA Agusan del Norte)

Sign up for Manila News

a daily newsletter full of things to discuss over drinks.and the great thing is that it's on the house!