Mon, 23 Sep 2019

Cebuano News: Philippine Space Act, gilagdaan na ni Duterte

Philippine Information Agency
20 Aug 2019, 18:38 GMT+10

TAGBILARAN CITY, Bohol, August 14 (PIA)--Gilagdaan na ni Presidente Rodrigo Duterte ang Republic Act 11363 o Philippine Space Act.

Tuyo niining bag-ong balaod nga makapatukod ang Pilipinas og Philippine Space Development and Utilization Policy nga magmugna sa Philippine Space Agency (PHILSA).

Ang PHILSA ang magdumala sa mga aktibidad ug mga isyu nga may kalabotan sa space science and technology applications.

Ubos sa bag-ong balaod, magbaton ang Pilipinas og kaugalingong national space agency sa Clark Special Economic Zone sa Pampanga ug Tarlac.

Kinahanglan og 30 ka ektaryang yuta sa Clark nga pagadumalaon sa Bases Conversion and Development Authority (BCDA).

Usa ka director general nga adunay ranggong cabinet secretary ang i-appoint sa Presidente sa nasod aron mahimong official representative sa Pilipinas sa international space community.

Duha ka bilyong piso ang igahing pondo sa PHILSA matag tuig.

Agosto 8 sa dihang gilagdaan ni Duterte ang bag-ong balaod ug mahimong epektibo 15 ka adlaw human ang publication sa Official Gazette ug sa mga pahayagan nga adunay general circulation. (ecb/PIA7-Bohol)

Sign up for Manila News

a daily newsletter full of things to discuss over drinks.and the great thing is that it's on the house!