Mon, 23 Sep 2019

Cebuano News: El Niao Task Force, gibalik ni Duterte

Philippine Information Agency
24 Aug 2019, 16:38 GMT+10

TAGBILARAN CITY, Bohol, August 20 (PIA)--Gimando ni Presidente Rodrigo Duterte ang pagpabalik sa El Nino Task Force sa gobyerno isip pagpangandam sa posibleng epekto sa ting-huwaw sa mga mosunod nga buwan. kini segun sa taho gikan sa kaulohan.

Gilagdaan ni Executive Secretary Salvador Medialdea ang Memorandum Order No. 38 nga nagbanhaw sa task force nga namugna niadtong tuig 2001 ubos ni kanhi Presidente Gloria Macapagal-Arroyo.

Matud pa, nakalatid sa mando ang gipagawas nga climate models sa DOST-PAGASA nga ang El Nino masinati gikan niadtong Hunyo hangtod karong buwan sa Agosto.

Gimando sa maong memo nga kinahanglang makamugna og short term ug long term solutions aron masiguro nga dili makumpromiso ang suplay sa pagkaon, tubig, enerhiya, seguridad ug mapaayo pa ang kalig-on sa mga Pilipino sa panahon sa trahedya o kalamidad.

Subay sa taho, si National Economic and Development Authority (NEDA) Kalihim Ernesto Pernia ang manguna sa task force.

Ang kalihim sa Department of Agriculture (DA) ang mahimong head sa Food Security; mahimong head sa Water Security usab ang kalihim ng Department of Environment and Natural Resources (DENR); ang kalihim sa Department of Energy ang mahimong Head for Energy Security; ang kalihim sa Department of Health ang mahimong head sa Health ug Head sa Safety ang kalihim sa Department of Interior and Local Government (DILG).

Gimanduan na, matud pa ang namuno sa El Nino Task Force nga direktang mo-report og update kang Presidente Duterte ug Executive Secretary Medialdea. (ecb/PIA7-Bohol)

Sign up for Manila News

a daily newsletter full of things to discuss over drinks.and the great thing is that it's on the house!