Mon, 23 Sep 2019

Cebuano News: DFA, mag-upgrade sa PH ePassport system

Philippine Information Agency
24 Aug 2019, 16:38 GMT+10

TAGBILARAN CITY, August 17 (PIA)--Nipagawas og public advisory ang Department of Foreign Affairs (DFA) kalabot sa ipahigayon nilang upgrade sa Philippine ePassport system.

Gipasabot sa DFA nga tumong sa system upgrade nga mapaayo pa ang seguridad ug integridad sa ePassport system.

Gipahibalo usab sa buhatan nga tungod sa ipahigayon nilang upgrade, magresulta kini sa pagbaton og adjustment sa passport delivery ug release schedules.

Matud pa nga gikan sa 12 working days, mahimo nang 15 working days ang kinahanglang hulaton alang sa pagproseso sa pasaporte sa tanang consular office sa nasod.

Samtang ang expedited processing mokabat na og 8 working days sa DFA ASEANA ug COs sa National Capital Region (NCR).

Mahimo na usab nga 10 working days ang COs sa mga nahimutang gawas sa NCR.

Gipaabot nga makumpleto ang system upgrade sa Setyembre 2019.

Sa higayong makumpleto na ang system upgrade, gipasalig sa DFA nga mabalik na sa normal ang operasyon niini.

Tungod niining abiso sa mga adjustment, nangayo og pasaylo ug pagsabot ang DFA sa publiko. (ecb/PIA7-Bohol)

Sign up for Manila News

a daily newsletter full of things to discuss over drinks.and the great thing is that it's on the house!