Thu, 24 Oct 2019

Aklanon News: CSC ginpanginbulahan ro mga PRIME HRM awardees it Aklan

Philippine Information Agency
16 Sep 2019, 22:38 GMT+10

KALIBO, Aklan, Septyembre 16 (PIA6) -- Ginpanginbulahan kurundaya eamang it Civil Service Commission (CSC) ro gobyerno probinsyal it Aklan, lima nga gobyerno munisipal ag sambilog (1) nga GOCC bangud sa andang pagigigng Bronze Awardees sa Rehiyon 6 sa pag angkon it Maturity Level II sa ap-at (4) nga mga "Core HR Systems" sa idaeum it Prime HRM.

Ro pagpanginbulahan hay ginpaabot ni Director Evelyn N. Ejar, Director II it CSC Aklan Field Office, sa anang pagtao it mensahe sa mga opisyales it probinsya, mga pinuno it departamento it gobyerno probinsyal ag mga empleyado it Kapitolyo, ag mga pinuno ag representante it mga ahensya it gobyerno nasyonal ag mga empleyado kara bilang dinapit nga bisita sa ginpatigayon nga flag-raising ceremony.

Ro anang pagpaabot it mensahe hay daea it pagselebrar makaron nga buean it Septyember bilang ika 119 nga anibersaryo it Philippine Civil Service.

Gindayaw ni Ejar ro Gobyerno Probinsyal it Aklan bangud raya ro pinaka una nga gobyerno lokal nga nakabaton it award sa Rehiyon 6 ku 2017 kaibahan ro Department of Trade and Industry (DTI) 6 , ag ro Carlos Hilado State University sa Negros Occidental.

Sa nasambit man nga okasyon, ginpanginbulahan man nana ro mga gobyerno lokal it Kalibo, Malay, Buruanga, Tangalan ag Malainao, ag ro Metro Kalibo Water District (MKWD) sa pagbaton it kamana man nga pagpadungog ku 2018.

Ginsugid ni Ejar nga sa 12 nga mga awardees para sa 2018 sa Rehiyon 6, an-um (6) nga mga ahensya ro naghalin sa Aklan ag hambae nana hay may una pa nga mga masunod bangud sa mabaskog nga Aklan Council of Human Resource Management Practitioners paagi sa ispirito it Pagbueuligan.

Gindugang pa gid nana nga nalipay imaw nga ro Provincial Human Resource and Management Office (PHRMO) hay naga preparer makaron sa mas mataas nga Maturity Level 3 para sa Silver Award.

Suno kana, kon kada sambilog hay mag-obra ku anang obligasyon sa pag implementar ag pagsunod sa PRIME-HRM, raya hay posible.

Gintaw-an man nana it importansya ro integridad, kooperasyon ag pagbueuligan bangud importante ra sa pagsueong ag pag progreso.

Ro tema sa makaron nga selebrasyon it ika 119 nga anibersaryo it Philippine Civil Service hay "Civil Service at 119: Upholding Integrity and Building a High-trust Society". (JBG/VGV/PIA6 Aklan)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!