Tue, 22 Oct 2019

Cebuano News: Palit sa dili uga nga humay, tag P18.94

Philippine Information Agency
22 Sep 2019, 16:38 GMT+10

TAGBILARAN CITY, Bohol, Sept. 17 (PIA) -- Sa labing bag-o nga monitoring sa Philippine Statistics Authority sa palit sa humay dinhi sa lalawigan sa Bohol, naa sa P18.94 ang matag kilo sa dili uga nga tipasi.

Ang presyo nga namonitor karon, parehas pa gihapon sa palit niadtong miagi nga semana, apan ubos sa P4.51 kon itandi sa presyo niini sa miagi nga tuig.

Kini nga kasayuran maoy unod sa Bantay Palay, usa ka lakang sa kagamhanan aron mapahibaw ang mga mag-uuma sa kasagaran nga presyo aron dili mailad sa mga komerstal nga mamalitay nga manghangyo-lobo sa ilang hinagu-ang.

Aron may kabasehan, ang PSA naghimo sa senemana nga survey sa presyo sap alit sa tipasi gikan mismo sa mga umahan, presyo sa binulto nga palit ug kadtong ginagmay nga kompra sa tipasi.

Ka-duka nagdto s aka tulo ka survey sa usa ka semana ang gihimo sa PSA aron makuha gayud ang average price sa bugas sa mga lugar sa tibuok nasud.

Kining makuha nga kasayuran sa mga survey, gipailawom usab sa makuti nga kumpirmasyon ug itandi pa sa laing usa ka semana sa dili pa ipakatap sa mga katawhan.

Dugang sa susamang kasayuran, alang sa kinatibuk-an nga Central Visayas, ang dili uga nga humay may average price nga P18.17 matag kilo samtang sa tibuok nasud, mas barato kay P15.89 ra ang kilo sa kinatibuk-an nga nasud.

Sa Bohol, ang uga nga tipasi gibaligya sa tag P21.00 ang kilo, presyo nga parehas usab sa palit sa miagi nga semana sa tag P21.00

Hinuon, kini, mas barato og P5.00 kon itandi sa miagi nga tuig kay ang presyo kaniadto sa uga nga tipasi, naa sa P26.00.

Sa kinatibuk-an nga rehiyon, ang average price naa sa P20.14 matag kilo samtang grabe ka ubos ang average nga presyo sa palit sa tibuok nasud kay tag P17.62 ra kini.

Ang average nga presyo sa binulto nga palit sa regular milled rice naa sa P36 and kilo sa tibuok Central Visayas samtang tag P 35.09 ang palit niini sa tibuok nasud.

Sa ginagmay na kompra (retail), ang regular milled rice sa Bohol naa sa P38.00 ang kilo nga halos parehas ug wala mingsaka o mi-us-os sa presyo sa iai-ging semana.

Hinuon, kini ubos pa sa P12.00 kon intandi presyo sa mi-aging tuig.

Ang regular milled rice may retail average price nga P 39.88 matag kilo sa Central Visayas samtang tag P38.38 usab ang average sa tibuok nasud, subay sa pagtuon sa PSA.

Mas maayo nga hibaw-an ang presyo sa bugas ug tipasi sa inyong lugar, aron makatandi kon ang tanyag sa palit, wala pa ba masakyi sa mga mingsakay sa higayon, matud sa PSA. (rahc/PIA-7/Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!