Tue, 22 Oct 2019

Cebuano News: LTO Extension Office sa Alturas Mall, gibuksan na

Philippine Information Agency
23 Sep 2019, 18:38 GMT+10

TAGBILARAN CITY, Sept. 18 (PIA) -- Pormal na'ng gibuksan ang Land Transportation Office (LTO) Licensing Extension Office nga nahimutang sa 4th Floor sa Alturas Mall ning dakbayan kagahapon sa buntag, Setyembre 18.

Gipangunahan ni LTO-7 Regional Director Victor Emmanuel Caindec uban nila ni Marlito Uy sa Alturas Group of Companies, Isabelito "Tatay Billy" Tongco (representante ni Cong. Edgar Chatto) ug Tagbilaran City Mayor John Geesnell "Baba" Yap II ang pormal nga pagbukas sa maong extension office.

Kining bag-ong pasilidad sa LTO usa ka full licensing office nga mo-proseso ug mga aplikasyon sa bag-ong mga driver's license, student permits ug license renewal.

"Mas transparent na ang proseso, gi-open na ang examination room sa Tagbilaran. Dako atong pasalig nga sama sa atong gibuhat sa SM Seaside nga open-office concept, pasabot walay mga tago-tago nga divider, makita ang tanang lihok sa atong mga trabahante," matud pa ni Caindec.

Gipasalamatan sa LTO opisyal sila ni Uy, Yap, kanhi Gob. Edgar Chatto ug bag-ong Gob. Arthur Yap sa ilang suporta ug tabang sa pagbutang og mga dugang buhatan sa LTO sa lalawigan.

Gipahibalo ni Caindec nga sa dili madugay, buksan na usab ngadto sa publiko ang LTO offices sa mga lungsod sa Garcia Hernandez ug Talibon.

Samtang dugang proyekto ang nakalinya alang sa LTO-7 apil na ang renovation sa daang LTO Tagbilaran District Office ug ang pagbukas sa licensing office sa lungsod sa Panglao. (ecb/PIA7-Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!