Wed, 22 Jan 2020

Cebuano News: P989M road project sa Sibugay Gisugdan na

Philippine Information Agency
06 Dec 2019, 00:38 GMT+10

IPIL, Zamboanga Sibugay, Desembre 5 (PIA) - Gisugdan na sa Department of Public Works and Highways ang pagpatuman sa P989.16 million road project sa lungsod sa Alicia, dinhi nga probinsya.

Matud pa ni Kongresista Sharky Palma sa unang distrito ning lalawigan, nga ang maong proyekto adunay kinatibuk-ang gilay-on nga 29.10 kilometro gikan sa barangay Cawayan padulong sa Guicam sa nasangpit nga lungsod.

Dungang pa niya, nga gisugdan pagtrabaho sa proyekto ning nakalabay nga Nobyembre 18, 2019 ug gipakisama ni Palma nga ang pagpatuman sa maong proyekto makasaysayanon.

"Karon lang kini na konkreto ang maong dalan human nga na-deklarar isip provincial road dihang ang Zamboanga Sibugay kabahin pa sa Zamboanga Del Sur", matud ni Palma.

Ang maong dalan kabahin sa" Improving Growth Corridors in Mindanao Road Sector Project" sa kagamhanan.

Dugang pa ani nga road project, ang maong road conreting project nga pagasugdan gikan sa barangay Hula-Hula, sakop sa munisipyo sa Mabuhay, padulong sa dalan sa Olotanga island.

Ang nasambit nga maong proyekto gisaligan nga makatabang sa mga lumulupyo sa lungsod sa Alicia ug sa mga silinganang dapit nga nagaagi sa maong dalan.

kaniadto sa wala pa kini maayo, nag lisud ang mga tawo sa ilang pag byahe, ilabina sa ilang pag dala sa mga kargaminto ug mga produkto paingon sa isla.

Ang simintadong karsada mao gi-tuhoan nga maka pasayon sa pag gawas ug sulod sa mga negosyo ug kini gilantaw nga makapauswag ug maka patubo sa ekonomikanhong pag tubo sa maong dapit. (GCC/JPA/PAM,GIP/ Zamboanga Sibugay)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!