Tue, 02 Jun 2020

Cebuano news: Mayor sa Marawi naghisgot sa disiplina kontra COVID-19

Philippine Information Agency
27 Mar 2020, 20:38 GMT+10

MARAWI CITY, Marso 27 (PIA) - Gihisgutan ni City Mayor Majul Gandamra ang kamahinungdanon sa disiplina sa mga residente sa pagpugong sa pagkalat sa sakit nga Coronavirus (COVID-19).

Giawhag ni Gandamra ang mga residente nga sundon ang mga giya ug palisiya nga gipatuman sa Enhanced Community Quarantine sa lungsod ug lalawigan sa Lanao del Sur.

"Kung wala'y disiplina dili matubag ang mga problema,mas modako nahinuon. Apan kung kitang tanan mag baton ug disiplina sigurado nga kini nga problema atong malabanan ug masulosyonan," ingon ni Gandamra.

Bag-ohay lang gipagawas ni Gandamra ang usa ka executive order nga nagbag-o sa mga oras sa curfew sa syudad sugod alas 6:00 sa hapon hangtuod alas 6:00 sa buntag. Kini aron limitahan ang ihap sa mga tawo nga mogawas ug aron malikayan ang pagkaylap sa COVID-19.

Samtang, ang mga senior citizen, mga menor de edad nga wala pay 18 anyos ug mga buros nga babaye gimando-an nga obserbahan ang 24-oras nga curfew. Hinuon naay usa ka 'exception' ani nga balaod tungod kay ang mga nagtrabaho sa gobyerno o pribadong ahensya walay apil ani nga curfew.

Base sa report niadtong Marso 24, dunay upat nga nakumpirma nga mga kaso sa COVID-19 sa lungsod, 75 ka mga tawo nga gipailalom sa pag-monitor ug 5 ka tawo nga gipailalom sa imbestigasyon. (Bernadith G. Epan/ PIA-ICIC)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!