Tue, 02 Jun 2020

Mga brgy kapitan sa MisOr gimandoan nga palig-unon ang BHERTs

Philippine Information Agency
28 Mar 2020, 16:38 GMT+10

MISAMIS ORIENTAL, March 28 - GIMANDO-AN ni Gobernador Bambi Emano ang tanang mga kapitan sa 424 ka mga barangay sa lalawigan sa Misamis Oriental nga palamboun ang ilang Barangay Health Emergency Response Team.

Ning ubos sa General Community Quarantine ang lalawigan nakalatid sa executive order ni Gov. Bambi nga kinahanglan tanan kapitan magmonitor ug magbinantayon.

Labina niadtong mga residente, mga bisita nga langyaw nga misulod sa ilang barangay nga nagikan sa lugar sa Pilipinas nga adunay positibo sa Corona Virus Disease ang kinahanglan nga ikonsiderang Person Under Monitoring (PUM) ug kinahanglan nga ipaubos sa 14 ka adlaw nga self quarantine.

Kinahanglan nga kining mga tawhana ang nakasubay sa strikto nga protocol sa home confinement quarantine.

Bisan kinsa nga mga residente o bisita nga wala nagsunod sa protocol sa barangay ang ang ireport gilayon sa kapulisan.

Kinahanglan nga ang Barangay Health Worker nga naasigned sa barangay ang mag monitor sa temperatura sa buntag ug udto ug kung ang ilang temperatura miabot sa 37.7 degree celsius ug lapas pa niini ang kinahanglan nga ireport dayon kini sa Rural Health Unit aron ma evaluate kini sa Municipal Health Officer ug ang pasyente makonsidera nga Person under investigation (PUI).

Kinahanglan sab sa mga barangay official nga napatuman ang curfew hours ug strikto niini nga kamandoan.

Ang polisiya sa home confinement sa tanan residente sa barangay ang kinahanglan sab nga masunod.

Motawag dayon sa kapulisan kung kining adunay mosupak ning kamandoan. (MisOr Provincial Information Office)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!