Sat, 15 Aug 2020

Cebuano News: Bohol, ubos na sa MGCQ taman Hulyo 15

Philippine Information Agency
03 Jul 2020, 11:38 GMT+10

TAGBILARAN CITY, July 3 (PIA) -- Gipaubos na sa modified general community quarantine (MGCQ) ang lalawigan sa Bohol gikan Hulyo 1 taman Hulyo 15, 2020.

Si Gob. Arthur Yap nipagawas sa Executive Order No. 33 niadtong Hulyo 1 nga nagbutang sa Bohol ubos sa MGCQ hangtod Hulyo 15 ug naglatid sa mga lagda ug direktiba ubos sa maong community quarantine status.

Ubos sa maong EO, gi-uswag ang travel ban sa domestic ug international travel taman Hulyo 15 ning tuig.

Apan, ang biyahe sa mga locally stranded individuals (LSIs) ug mamauling overseas Filipino workers (OFWs) ug authorized persons outside residence (APOR) gitugot sa Bohol apan kinahanglan gihapong sundon ang hugot nga quarantine ug testing protocols.

Ang lalawigan, ubos sa EO, mosagop apan may kausaban sa Section 5 sa Inter-Agency Task Force (IATF) Omnibus Guidelines nga gi-petsahan og Hunyo 25, 2020.

Base sa EO, magpabilin ang pagpatuman sa home quarantine pass, pagsunod sa social distancing, paggamit og face mask, curfew sa mga menor de edad ug senior citizens, suspensiyon sa face-to-face classes ug ang partial liquior ban.

Ubos sa MGCQ, gitugot na ang dine-in sa mga kan-anan nga taman 50% lamang sa seating capacity.

Samtang ang mga hotels ug ubang accommodation establishments mahimong mag-operate basta mokuha og certificate of authority to operate gikan sa Department of Tourism.

Ang DoT ug ang Department of the Interior and Local Government (DILG) makigsabot sa mga local government unit (LGU) sa pagseguro sa pagsunod sa mga lagda sa mga hotels ug accommodation establishments.

Gitugot usab ubos sa MGCQ ang mga relihiyosong kalihokan basta 50% lamang sa seating capacity sa simbahan o religious venue ang pasudlan.

Apil usab ang mga fitness gyms gitugotan na sa pag-operate kun 50% lamang nga kapasidad sa lugar ang pasudlan.

Samtang gidili gihapon ang pag-abli sa mga sinehan, videoke bars, internet cafes, night clubs ug ang pagpahigayon og sabong ubos sa MGCQ base sa maong EO.

Sa wala pa nipagawas og EO si Gob. Yap, gi-anunsiyo na ni Presidente Rodrigo Duterte nga ang lalawigan sa Bohol, kauban sa ubang lalawigan ug lugar sa Central Visayas gawas sa Cebu City, gipaubos na sa MGCQ. (ecb/PIA7-Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!