Sat, 31 Oct 2020

AgNor makadawat og usa ka milyon gikan sa DOH

Philippine Information Agency
18 Sep 2020, 20:38 GMT+10

LUNGSOD NG BUTUAN, Setyembre 18 -- Usa ka kasabotan o Memorandum of Agreement (MOA) ang gitakdang pirmahan ni Gobernador Dale B. Corvera sa ngalan sa lalawigan tali sa Department of Health (DOH), Center for Health Development Caraga alang sa gihatag niini nga performance-based grant sa kantidad nga usa ka milyon ka pesos ( P1,000,000.00) para sa probinsya sa Agusan del Norte tungod sa nakab-ot nga kalampusan batok sa sakit nga Malaria.

Mahinumduman nga gisagop sa DOH ang FOURmula One Plus (F1+) ang pagpatuman sa framework lakip niini ang inisyatibo aron mahimong usa ka disease-free ang usa ka lugar nga nagpalig-on sa pagwagtang sa sakit nga Malaria, Lymphatic Filariasis ug Rabies sa piling lugar sa tibook nasud. Ang maong FOURmula gisulong kini ug gipalapdan alang sa pagpatuman sa kahimsog sa panlawas .

Pinauyon sa survey sa pagsusi ug pagtimbang-timbang sa Technical Working Group (TWG) DOH Central Office nahibal-an nga ang probinsya sa Agusan del Norte nakakab-ot sa usa ka Malaria-free nga probinsya ug opisyal nga gideklara sa DOH nga Malaria-free ang lalawigan niadtong Disyembre 6, 2019.

Ang DOH Central Office Manila nagpagawas og Sub-Allotment Advise No. 2020-05-0898, pinitsahan niadtong Mayo 12, 2020 sa kantidad nga Usa ka Milyon ka Pisos , isip pahalipay tungod sa ilang pagpaningkamot nga makab-ot ang usa ka Malaria-free nga lalawigan ug ang pondo niini gikuha gikan sa Public Health Management Budget Line item RA 11465 GAA 2020.

Ang Memorandum of Agreement (MOA) nga gipirmahan ni Gobernor Dale B. Corvera tali sa Department of Health (DOH) naglangkob kini sa kondisyon ingon man ang kaakohan sa matag partido, aron masiguro nga ang pondo nga gibalhin magamit sa Provincial Health Office (PHO) sa Agusan del Norte pinauyon sa katuyoan niini.

Sa pagpaningkamot ni Bokal Elizabeth Marie R. Calo gihatagan og otoridad si Gob. Corvera sa Sangguniang Panlalawigan pinaagi sa Sanggunian Resolution No. 381-2020 nga nahitabo niadtong Setyembre 3 niining tuiga atol sa ilang sesyon regular. (Prisilina P. Amoroso, LGU Agusan del Norte/PIA Agusan del Norte)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!