Sun, 06 Dec 2020

Cebuano News: Ikaduhang Malasakit Center sa Bohol, gibuksan

Philippine Information Agency
27 Oct 2020, 17:38 GMT+10

TAGBILARAN CITY, Oct. 26 (PIA) -- Gibuksan ang ikaduhang Malasakit Center sa lalawigan sa Bohol nga nahimutang sa Don Emilio del Valle Memorial Hospital (DEDVMH) sa lungsod sa Ubay.

Mao na kini ang ika-88 nga Malasakit Center sa tibuok Pilipinas.

Si Senador Christopher "Bong" Go maoy pinasidunggang dinapit sa pagbukas sa maong Malasakit Center niadtong Oktubre 23 diin nihatag kini sa iyang 'virtual congratulatory' nga mensahe.

MAS GIPAKATAG ANG KAHIGAYUNAN SA PAGSERBISYO. Sa pagbukas sa Malasakit Center sa Del Valles Hospital sa Ubay, nabuksan usab ang kahigayunan sa pagserbisyo sa mga nahikawans a serbisyong panglawas tungod kay walay ikabayad. Tuyo sa Malasakit Center nga matubag ang panginahanglan sa maayong panglawas sa mga Bol-anon didtong dapita sa pikas bahin sa Bohol. Kining hulagway kuha sa pagbukas sa MC Mandaue CIty. (PIA Bohol file photo)

Si Go sa iyang mensahe miingon nga iyang gisulat ug gipasiugdahan ang pagpalabang sa Malasakit Centers Act of 2019 nga gilagdaan ug nahimong balaod niadtong Disyembre.

Ang Malasakit Center usa ka one-stop shop diin ang mga labing kabos nga mga pasyente mahimong mo-aplay alang sa medikal ug pinansyal nga tabang gikan sa Department of Health (DOH), Department of Social Welfare and Development (DSWD), Philippine Health Insurance Corporation (PhilHealth) ug Philippine Charity Sweepstakes Office (PCSO).

"This is the second Malasakit Center in Bohol with one at the Gov. Celestino Gallares Memorial Hospital in Tagbilaran City that was launched on October 12, 2018,"(Kini maoy ika duha nga Malasakit Center sa Bohol, kay ang una didto sa Gov Celestino Gallares Memorial Hospital sa Tagbilaran City nga gilusad niadtong Octobre, 12, 2019,) matud pa ni Go.

Gidugang pa ni Go nga ang maong balaod nagmando sa pagtukod og Malasakit Center sa Philippine General Hospital sa Manila ug matag tambalanan nga gipadagan sa DOH sa tibuok nasud.

Gipasabot usab sa senador nga ang ubang mga pampublikong tambalanan mahimong magtukod og ilang kaugalingon nga Malasakit Center apan kinahanglang makasunod kini sa 'criteria' ug makagarantiya sa gikinahanglang pondo alang sa operasyon niini.

Sa iyang mensahe, giila usab ni Go ang kahago ug sakripisyo sa mga miyembro sa tambalanan ug ubang frontliners nga nagpadayon sa pagserbisyo sa ilang komunidad taliwala sa nagpadayong 'public health crisis.' (ecb/PIA7-Bohol)

Sign up for Manila News

a daily newsletter full of things to discuss over drinks.and the great thing is that it's on the house!