Tue, 19 Jan 2021

Cebuano News: PRRD, mi-aprobar sa 2020 Investment Priorities Plan

Philippine Information Agency
02 Dec 2020, 16:38 GMT+10

MANILA, Dec. 2 (PIA) -- Gilagdaan ni Presidente Rodrigo Roa Duterte ang Memorandum Order No. 50 niadtong Nobyembre 18 nga nag-aprobar sa 2020 Investment Priorities Plan (IPP), isip mahinongdanon nga motulod pagbalik sa ekonomiya paabante taliwala sa COVID-19 pandemic.

Sentro sa agenda sa administrasyon mao ang mga aktibidad nga magbuntog sa krisis sa panglawas, nga naglakip sa produksiyon sa mga medical supplies ug probisyon sa mga serbisyo apan dili limitado sa pagtukod og mga test facilities ug laboratories, crematoriums, health waste treatment ug disposal, quarantine facilities ug mga ospital.

PUNDO ALANG SA PAMUHUNAN. Kini maoy gilauman sa mga nanguli sa Balik Probinsya nga ikatanyag sa giaprobahan nga Investment Plan sa nasud aron makalihok na sila nga na-ilo sa ilang mga gibiyaan nga trabaho sa kaulohan. (rahc/PIA-7/Bohol)

Aron pagduso sa ekonomiya, ang gobyerno mosuporta sa pagpamuhonan sa larangan sa agrikultura, inprastraktura, enerhiya, telecommunications, manufacturing, mass housing, fishery ug forestry, ug sa kalikopan apil na ang mga climate change-related nga mga proyekto.

Ang IPP mosuporta sa "Balik Probinsya, Bagong Pagasa" Program o ang BP2 nga nagtinguha sa pag-decongest sa metropolitan areas sa mga informal settlers.

Ubos sa BP2 Program, ang mga informal settlers hatagan og higayon sa pagbalik sa ilang nagkadaiyang lalawigan, apan ang gobyerno mohatag sa ilang nag-unang panginahanglan sama sa oportunidad sa pagpanarbaho, skills training ug housing, ug uban pa.

Sa Central Visayas, ang BP2 applicants nikabat na sa 5,506 niadtong Oktubre 20, 2020, matud pa ni Ruth Cruz sa National Economic and Development Authority (NEDA-7).

Ang Bohol ang pinakadaghang aplikante sa BP2 nga nikabat sa 2,291 o 41.6 porsyento, gisundan sa Negros Oriental nga may 1,821 o 33 porsyento. Ang Cebu nahimutang sa ikatulong dapit nga may 1,271 ka aplikante samtang ang Siquijor ang naa sa katapusan nga may 2.2 porsyento o 122 ka aplikante, matud pa ni Cruz atol sa 4​th Quarter Meeting sa Regional Development Council-Infrastructure Development Committee nga gipahigayon niadtong Nobyemre 20.

Apil sa mga gisugyot nga interventions mao ang facilitation sa employment matching ug technical skills training segun sa ilang mapiling skills, ug maghatag og start-up capital support.

Ang ekonomiya sa Pilipinas gipaabot nga molambo gikan 6.5 ngadto sa 7.5 porsyento sa tuig 2021, base sa government projections. (ecb/PIA7-Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!