Fri, 26 Feb 2021

Hiligaynon News: 163 ka mga makinarya sa panguma ginhatag sa Capiz

Philippine Information Agency
27 Jan 2021, 17:38 GMT+10

SYUDAD SANG ROXAS, Capiz, Enero 27 (PIA) - Naglab-ot sa 163 ka mga makinarya sa panguma ang ginhatag sang Department of Agriculture sa 27

ka mga kwalipikado nga mga kooperatiba kag asosasyon sang mga mangunguma sa probinsya sang Enero 20 sa Villareal Stadium diri sa syudad sang Roxas.

Ang mga kagamitan nga nagabalor P143,005,000.00 ang kaangot sa Rice Competitiveness Enhancement Fund (RCEF) Mechanization Component nga

nagatuyo nga magpabakud sa kapasidad sang mga mangunguma agud mapataas ang ila patubas sa mas manubo nga gasto sa pagpanguma.

Ginpahayag ni Gobernador Esteban Evan Contreras nga ang mechanization program sang RCEF ang makabulig sang dako sa mga asosasyon kag

kooperatiba sang mga mangunguma para mapadako pa gid ang produksyon sang palay kag mapahagan-hagan ang production cost.

Samtang, ang mga makinarya ang ginalakipan sang mga traktora, bao-bao, treser, rice reaper, combine harvester kag iban pa.

Ang "mechanization" nga programa ang ginapatuman pinaagi sa Philippine Center for Post-Harvest Development and Mechanization (PhilMech) sang

DA kag may tuigan nga pundo nga nagalab-ot sa P5-bilyon sa sulod sang anom ka tuig ukon humalin sa tuig 2019 tubtob 2025.

Nahibaluan nga magluwas sa mechanization sang PhilMech, ang mga mangunguma sa probinsya ang ginabuligan man pinaagi sa mga maayo nga

klase sang binhi sang PhilRice, pautang sang Landbank of the Philippines kag Development Bank of the Philippines kag mga programa

sa paghanas sang Agricultural Training Institute. (JBG/AAL/PIA Capiz)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!