Fri, 26 Feb 2021

Profiling sa mga former rebels sa Claveria malampuson

Philippine Information Agency
27 Jan 2021, 19:38 GMT+10

MISAMIS ORIENTAL, Enero 27 - Nagpahigayon ang buhatan sa Provincial Social Welfare and Development (PSWD) og profiling sa 16 ka mga kanhi rebelde nga mibalik sa sabakan sa gobyerno.

Ang profiling gihimo sa mga personahe sa PSWD didto sa 58th Infantry Battalion sa Migbanday lungsod sa Claveria, Misamis Oriental.

Katambayayong sa buhatan ang DILG kon asa kabahin kini sa Enhance Comprehensive Local Integration Programm (ECLIP) nga gipanghingusgan sa Provincial Government of Misamis Oriental human mandato kini ni Presidente Rodrigo Duterte nga hatagan og serbisyo ug programa ang mga kanhi rebelde nga mobalik sa sabakana sa gobyerno.

Sa bahin sa 58th IB anaa ang presensya nila ni 1LT Jefferson Mariano, Civil Military Officer ug Private First Class Marilona Alia.

Matod ni Felmark Jumawid, Focal Person sa ECLIP program sa PSWD nga adunay financial assistance ug mga programa nga giandam ang PGMO ngadto sa mga kaigsuonan nga mga former rebels.

"Kining atong mga 16 ka former rebels ato kining ipang enroll sa atong ECLIP program ug aduna sab silay madawatan nga tag P5,000 each," sulti niini.

Dugang nga programa sa lokal nga pangagamhanan ngadto kanila ang paghatag og counseling hilabina nga nanginahanglan sila og sikolohikal nga atensyon.

"Kini nga event importante kini particularly sa atong mga igsoon nga nibalik sa sabakan sa gobyerno kay at least makita nila nga wala sila pasagdi sa gobyeno," Dugang ni focal person Jumawid.

Gipaabot ni Jumawid nga dako ang nahimong papel sa mga programa sa gobyerno ngadto sa former rebels kay sila nakaamgo nga mas maayong manimuyo sa komunidad nga dili magtago-tago kay ang administrasyon sab ni Governor Bambi Emano naniguro nga dili sila mapasagdan ug matabangan sa ilang integrasyon ngadto sa komunidad.

"Kini nga event importante kini particularly sa atong mga igsoon nga nibalik sa sabakan sa gobyerno kay at least makita nila nga wala sila pasagdi sa gobyeno," Dugang ni focal person Jumawid.

Gipaabot ni Jumawid nga dako ang nahimong papel sa mga programa sa gobyerno ngadto sa former rebels kay sila nakaamgo nga mas maayong manimuyo sa komunidad nga dili magtago-tago kay ang administrasyon sab ni Governor Bambi Emano naniguro nga dili sila mapasagdan ug matabangan sa ilang integrasyon ngadto sa komunidad. (PIO MisOr)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!