Tue, 20 Apr 2021

Sen. Bong Go mibisita sa MisOr

Philippine Information Agency
25 Feb 2021, 16:38 GMT+10

MISAMIS ORIENTAL, Peb. 24 - Personal nga midangat dinhi sa lalawigan sa Misamis Oriental si Senator Bong Go niadtong adlawng Biyernes, Pebrero 19.

Tumong sa pagbisita sa Senador uban ang mga nagkalain-laing ulo sa ahensya sa gobyerno mao ang paghatod og serbisyo sa lungsod sa Lagonglong ug Villanueva.

Gitambongan ni Gobernador Bambi Emano ang kalihokan nga gipahigayon sa Lagonglong Central School ug dinhi atol sa iyang mensahe iyang gipasalamatan ang suporta sa Senador ngadto sa katawhan sa lalawigan nga bisan taliwala sa pandemya personal nga gibisitahan ang probinsya.

Dili matukib ang kalipay sa amahan sa lalawigan sa paglantaw sa katawhan labina mga lumad nga nahatagan og serbisyo gikan sa nasyunal nga kadagkoan.

Ang susama sa gisulti sa iyang amahan kaniadto Mayor Dongkoy Emano nga ang pulo sa "Mindanao has always been an island of promise," karon nahatagan na og katumanan ang tanan nga pasalig.

Gipaabot ni Governor Bambi nga gikinahanglan sa tanan ang pagtinabanga ug pagpaningkamot aron makab-ot ang kadaogan sa pakigbisog niining pandemya nga gisagubang ug magmalamboun sa adlaw nga pagpanginabuhi.

Gumikan sa abilidad ug klase sa pagdumala ni Governor Bambi nakadayeg si Sen. Bong Go niini nga susama sila nga bisyo gyud ang pagserbisyo.

Gipaabot sab niini nga ang administrasyon ni Presidente Rodrigo "Digong" Duterte anaa kanunay nga mosuporta sa katawhan labina sa mga lumad dinhi sa lalawigan.

Mokabat 1,873 ka mga indibidwal ang nakadawat og assistance gikan niini sama sa food packs, vitamins, face mask ug face shield samtang adunay usab mga pa-raffle kon diin 15 niini nakadawat og bisikleta, 25 ang nakadawat og tablets, ug upat ka pares sa sapatos.

Bout man sa amahan sa lalawigan nga ubanan si Senator Bong Go sa lungsod sa Villanueva apan dungan sa kalihokan niini mao sab ang dakong kalihokan sa Kapitolyo Probinsyal nga mao ang Covid-19 Vaccination simulation exercise nga malampuson sab nga gipahigayon niadtong adlawa.

Gumikan sa walay puas nga paghatod serbisyo ug pagtambong sa nagkalain-laing kalihokan sa lalawigan nga makaayo alang sa tanan maoy rason gitawag ang Gobernador nga "Sobrang Galing Laging Gising." (MisOr Information Office)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!