Tue, 20 Apr 2021

Cebuano News: BFAR, nipasidaan batok sa makahilo nga alimango

Philippine Information Agency
26 Feb 2021, 16:38 GMT+10

DEVIL REEF CRAB. Makahilo, segun pa sa BFAR, ang kuret o devil reef crab maong dili gyud kaonon. (PIA Bohol)

TAGBILARAN CITY, Feb. 23 (PIA) -- Nipasidaan ang Bureau of Fisheries and Aquatic Resources (BFAR) batok sa pagkaon sa usa ka klase sa alimango nga gitawag nga "kuret".

Kini human nasusi sa BFAR nga ang maong alimango ang nakaingon sa pagkahilo sa duha ka pamilya diin duha ka batang magsuon ang namatay human nikaon sa kuret sa Barangay Tangatan, Sta. Ana, Cagayan.

Matud pa sa advisory sa BFAR, ang maong alimango nga may scientific name nga 'zozymus aenus' o devil reef crab adunay dalang toxins o hilo nga dili angay kaonon.

Kining mga species nga dili mahimong kaonon maila sa mga wala naandan nga hitsura.

Apil na niini ang mga daghang bolok o adunay batik- batik nga shell o sa panit.

Pipila sa mga sintomas sa pagkahilo mao ang pagkamanhid sa dila, paralysis sa kamot ug paa ug lisod sa pagginhawa. (ecb/PIA7-Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!