Tue, 20 Apr 2021

Cebuano News: Face-to-face classes, gipugngan una ni PRRD

Philippine Information Agency
26 Feb 2021, 16:38 GMT+10

MANILA, Feb. 23 (PIA) -- Nihatag og direktiba si Presidente Rodrigo Roa Duterte sa Department of Education (DepEd) nga i-hold una ang planong magpahigayon og face- to-face classes gawas na lamang kun magsugod na'g rollout ang bakuna.

Kahinumdoman nga una nang gisugyot sa DepEd kang Presidente Duterte ang pagpahigayon og pilot testing sa limited face-to-face classes sa 1,904 ka eskwelahan gikan sa 126 ka school divisions sa nagkalain-laing lugar.

Sa gipahigayong virtual presser kauban si Cabinet Secretary Karlo Nograles, nipahayag kini nga nahisgotan sa cabinet meeting niadtong Lunes sa gabii ang kalabot sa pag-hold una sa face-to-face classes.

Matud pa ni Nograles nga giila man sa departamento ug sa gobyerno ang mga hagit sa 'learning modalities' nga mas gipili nga tugotan ang mga estudyante nga ipadayon ang ilang edukasyon apan nagtuo usab ang Pangulo nga ang kahimsog ug kaluwasan sa mga kabataan ug ang mga nagdumala sa pag-atiman sa edukasyon ang pinakamahinungdanon.

"Hindi lang po kasi ang kapakanan ng mga bata ang pinag-uusapan dito kundi ang kapakanan ng kanilang mga pamilya at ng ating mga guro," matud pa ni Nograles.

Sa laing bahin, giingong giila usab sa Pangulo ang paningkamot nga mapagaan ang kakuyaw sa pagpahigayon og face-to-face classes ug ang maampingon nga paagi sa pagduso nga i-hold ang maong face-to-face classes sa pagkakaron. (ecb/PIA7-Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!