Wed, 23 Jun 2021

Cebuano News: DOT TPB may RT-PCR subsidy sa local tourists

Philippine Information Agency
12 May 2021, 22:38 GMT+10

KATUNGA NGA BAYARAN SA RT-PCR TEST. Si DOT Sec. Bernadette Romulo-Puyat, UP-PGH Director Dr. Gerardo Legaspi, TPB Chief Operating Officer Maria Anthonette Velasco-Allones, ug DOT-TPB DCOO Jocelyn Patrice Deco nagpakita sa memorandum of agreement kabahin sa subsidiya ngadto sa katunga sa bayad sa RT PCR. (PIA Bohol/DOT)

TAGBILARAN CITY, Bohol, May 12 (PIA) -- Aron sa pag-aghat sa local travel karon nga bukas na ang ubang mga lalawigan ug aron hinay nga makabarug ang turismo, usa ka programa sa Department of Tourism Tourism Promotions Board mao ang paghatag sa diskwento sa pagpakuha og coronavirus disease test (COVID) Test.

Sa iyang pahayag atul sa usa sa mga tigum nga online diin mitambong ang mga Bol-anon, gipadayag ni DOT- Tourism Promotions Board Chief Executive Officer Mary Anthonette Velasco Allones, nga mahimo nga mokuha sa 50 porsyento nga diswento sa COVID Reverse Transcription s Chain Reaction, kon maaprobahan ang application.

Ang RT PCR mao pa gihapon ang labing kasalgan nga paagi sa pag-ila sa pagkasakit sa COVID sa usa ka tawo, bisan pa man sa daghan na nga tests nga mahimong makuha.

Segun sa gipahimutang nga price control alang sa RT PCR, gimandu sa DOH nga kini kinahanglan nag dili na molapas pa sa P3,800, alang sa mga pribadong nga molecular laboratories ug mahimong tag P1800 na lamang sa m Philhealth.

Sa mga molecular laboratories nga iya sa kagamhanan, mahimo pa nga ubos niini.

Apan, alang sa mga local nga byahedor, nga mahal pa gihapon kini kanila, ilabi na sa kakuwang pa sa kasakyan ug kahadlok nga maoy manakod o maoy matakdan.

Nniini, mahimo nga katunga na lamang ang kabayran kon mahatagan sa DOT assistance.

Aron makakuha nii nga programa, kinahanglan nga mopasa sa applications ngadto sa tpb.gov.ph/rtpcrphtravel ug ibutang didto ang destinasyon sa byahe ngadto sa lugar nga deklarado na nga bukas alang sa mga turista nga naglulinghayaw.

Kini kinahanglang himoon lima ka adlaw sa dili pa mobyahe.

Kadtong mga mobyahe, kinahanglan nga may kopya sa usa ka valid government ID, aduna nay compirmado nga hotel booking ug kopya sa iyang tiket sa bus, eroplano o barko, kon mahimo.

Kini nga mga kopya sa dokumento, subayon sa Tourism Promotions Board (TPB) ug sila na ang mopahibaw sa aplikante kon hingpasar ba o wala ang aplikasyon.

Ang tanan nga mga testing sa gisubsidiya sa kagamhanan pinaagi niinig programa, adto himoon sa University of the Philippines Philippine Generl Hospital (UP-PGH).

Ang UP-PGH makahimo sa 100 ka COVID-19 RT-PCR tests matag adlaw nga maoy basehan usab sa mahatagan niini.

Mismo ang UP PGH na ang mo email sa aplikante alang sa Client Investigation Form (CIF) sa cif.pgh.gov.ph aron i-fill up sa turista.

Sa pagduso sa CIF, pahibaw-on na ang aplikante kanus-a ang schedule sa swab testing, subay sa mga nakaduso sa online CIF.

Kadtong mga turista o byahedor nga may aprobado nga applications kinahanglang moadto sa UP PGH sa adlaw nga gitakda kay dili na niya makuha kini kon sa laing adlaw na adtoon.

Mismo na ang UP-PGH maoy moemail sa resulta sa RT-PCR test sulod sa 24-oras. (rahc/PIA-7/Bohol)

More Manila News

Access More

Sign up for Manila News

a daily newsletter full of things to discuss over drinks.and the great thing is that it's on the house!